Войти

Статистика сайта

Уроклöн технологическöй карта 6 кл. Мехоношина Г.А

Уроклöн технологическöй карта

Велöтiсь: Мехоношина Г.А., МАОУ «Верх-Юсьвинская ООШ»

Класс: 6

Уроклöн тема:  Сёрни стиллез. Сёрнитан стиль.

Уроклöн тип (вид): виль тöдöммез осьтöм сьöрті урок.

 

 

Уроклöнмоггез: 1. Содержательнöй: «сёрнистиллез», «стилистика», «сёрнитан стиль» понятиеэз сетöм;

2. Деятельностнöй: сёрнитан стильлісь особенносттез адззöм.

 

Задачаэз:

Велöтан:тöдсöтны сёрни стиллезкöт, стилистика терминкöт, сёрнитан стильлöн особенносттезкöт.

Зорöтан: зорöтны устойчивöй учебнöй мотивация.

Воспитательнöй:воспитывайтны сёрни культура, эстетическöй вкус.

 

Видзчисян судзöтöммез:

Личностнöй судзöтöммез:бур настрой удж вылö, уваженнё öтамöд дынö, асьнымöс донтöм.

Коммуникативнöй судзöтöммез: планируйтны уджавны öтлаын велöтіськöт, участвуйтны диалогын, уджавны параын, точнöя выражайтны дума, кывзыны öтамöдöс.

Регулятивнöй судзöтöммез:сувтöтны моггез, уджавны самостоятельнöя, сетны дон öтлаын велöтіськöт и ёрттэзкöт.

Познавательнöй судзöтöммез:осознаннöя лыддьöтны, анализируйтны, ордчöтны, вежöртны информация схемаись, кошшыны колана информация, пöртны сiйö схемаö, керны удж аслат знаннёэз отсöтöн, информация пöртны таблицаö.

 

Тöдны:«сёрнистиллез», «стилистика», «сёрнитан стиль» понятиеэз.

Кужны:Адззыны сёрнитан стильлісь особенносттез, тöдмавны текстлiсь стиль.

Оборудованнё: презентация, текст.

 

 

Присутствовало на уроке 10 обучающихся

Уроклöнвиззез

Велöтiсьлöнудж

Велöтчиссезлöнудж

УУД

Класс туйдöтöм

Бур лун, челядь! Талуння урок вылö миян дынö локтісö гöссез. Видзöтыштö ны вылö да радöсь кö тійö, козьналö ассиныт шынньöв. А урок коста ме кора тіянöс не повны, уджавны боёка, кора уважайтны да кывзыны öтамöдöс, донтны асьнытö.

 

Настраивайтчöны урок вылö

Л: уджвылö

бур настрой  К: планируйтны уджавны öтлаын велöтіськöт

Виль тöдöммез осьтöм

Эта кресенняö ме ветлі садоводство вевдöрö тшакьявны. Муні öтнам, а сэччин тыр тшакьялісьыс. Кыла, бокам баитöны:

-Нина, эм мыйкö?

-Тэ мый, тыр, зырйöн зырт.

-Тырис ни эд сэк ведраыт?

Пакетö ни öкта, кыдз оз тыр, вон ошлопеннез кытшöмöсь, ыджытся-ыджытöсь, а риссез кыдз рыжыккес.

-Менам тожö тырö ни, токо егыс уна, вакрамеш, листтэз дозам и киссьöны да. Ась, бöрья гортын. Вöлі бы мый.

 

Челядь, мый тійö казяліт эта сернитан ситуацияись? Öтік морткöт баитöны или унакöт? Кытшöм обстановкаын (официальнöйын или неофициальнöйын) баитöны? Кытшöм могöн баитöны? Кыдз тійö думайтат, этö устнöй серни или письменнöй?

Правильнöя тійö казяліт, этö устнöй серни, и сія аскодя сысянь, кинкöт мийö баитам, кытöн мийö баитам, кытшöм могöн баитам, кöр баитам, öтік кылöн шуны кö, сернитан ситуациясянь.

Кывлöн основаöн лоöны общеупотребительнöй кыввез, фразеологизммез, суффикссэз, шыэз да мöдік кыв средствоэз: му, ва, талун, тöн, велöтчыны, уджавны и с. о. Гижикö этö думасö мийö висьталам мöднеж, мöдік кыв средствоэзöн.  Сэтöн оз лоö кыввез вакрамеш, ошлопеннез и с. о., сідз кыдз оз лöсялö.

 

Так вот, кывлöн разновидносттез, кöдна пантасьöны неöткодь сернитан ситуацияын да неöткодьöсь словарнöй, грамматическöй да интонационнöй особенносттез сьöрті, шусьöны серни стиллезöн. Кытшöм виль понятие тійö кыліт менам серниись? (серни стиллез)

Наука, кöда велöтö морфемаэз, шусьö морфемика, а кыдз шусьö наука, кöда велöтö стиллез? (стилистика)

Серни стиллес не öтік. Нія пантасьöны устнöй серниын и книгаэзын. Этасянь эмöсь кытшöмöсь да кытшöмöсь? (разговорнöй (сернитан) да книжнöй. Кыдз тійö думайтат, талун басниыс пондас мунны разговорнöй (сернитан) или книжнöй стиль йылісь? (сернитан)

Öні формулируйтам, петкöтам уроклісь тема:

Стилистика, сернистиллез. Сернитан стиль.

 

- Кытшöм моггез ми сувтöтам? (тöдны…, кужны…)

Кывзны диалог,

Отвечайтöны вопроссэз вылö.

Гижöны уроклiсь тема, сувтöтöны моггез

К: участвуйтны диалогын

Р: саморегуляция, сувтöтны моггез

 

- Мый жö сэтшöмыс «сёрнитан ситуация»? Доска вылын – схема

 

Кинкöт баитам?            Öтiк морткöт

Уна отиркöт

Официальнöй обстановка

Сёрнитан ситуация            Кытöн?

Неофициальнöй обстановка

Мыйлö?         Общеннё

Воздействие

Сообщеннё

 

Видзöтöны схема

П: вежöртны информация схемаись

 

 

 

 

 

 

 

 

Первуись вежöртöмсö повторитöм

Велöтчиссез лöсетсьö текст. Заданнё: лыддьöтны, тöдмавны сёрни стиль.

А. Ермаков. Кык год цветитіс льöмпуок (отрывок)

Зоя медодз вашöті свидззез вылöмöс и, бöр локтікö, кежис Öльöшика ордö. Керкуö пыртöн чорыта гымнитіс ыбöсöн, кöда нельки дзиррез вылісь невна эз чеччöвт, шупыта чышкис коккесö порог увтын ва бонö и, лабич дорö пуксикö, горöтчис:

-Чеччит ни?

«Вöрлешачикаыс тэнö, бырöм нинкöмöс, эта одза кыскалö», - думайтіс хозяйкаыс и, комись петтöн, шыасис:

Чеччим. Богатсялöмыт тай, он и петавлы миянöдз, керку пытшксö, натьтö, вунöтін ни.

- Мый жö лёбан, кöдö оз ков, öсилейті ни эд ме тіянöс. Чечча и вода öтваын, а ачыт некöр миянöдз он петав.

 

Кытшöм серни стильыс?

Уджалöны самостоятельнöя

Р: уджавны самостоятельнöя

 

 

Групповöй удж

Петкöтö сернитан кывлісь ассямасö.

 

  1. Висьталöмыс образнöй, эмоциональнöй, логикатöм.
  2. Пантасьлöны разговорнöй кыввез да выраженнеэз.
  3. Эмоционально-оценочнöй кыввез
  4. Вводнöй кыввез
  5. Народнöй ниммез
  6. Простöй, неполнöй серникузяэз.

Удж проверитöм

Уджалöны группаэзын

К: уджавны группаын, точнöя и полнöя выражайтны мысль, кывзыны öтамöдöс

Л: уваженнё öтамöд дынö

 

 

 

 

 

 

Рефлексия

- Мый велöтö стилистика?

- Кытшöм сёрни стилькöт тöдсасим?

Быд лун ми овлам быдкодь ситуацияэзын, кöдна корöны миянсянь определённöй общеннё, аскодь сёрни. Ми долженöсь тöдны, кытшöм ситуацияын кыдз баитны. Этаын миянлö и отсаласöны сёрни стиллез.

Гортся удж: лöсьöтныинсценировкаэз: «Магазинын», «Гортын», «Школаын перемена коста» темаэз вылö.

Отвечайтöны вопроссэз вылö.

 

 

 

Гижöны гортся удж

Л: правильнöя воспринимайтны велöтісьлісь оценка

Р: самооценка, сетны дон öтлаын велöтіськöт и ёрттэзкöт уджалöмын

К: кывзыны öтамöдöс

 

 
Главная Учителям коми-пермяцкого языка и литературы Банк материалов Уроклöн технологическöй карта 6 кл. Мехоношина Г.А
free pokerfree poker

Опрос

Определите Ваши потребности в повышении квалификации
 

Сейчас на сайте

Сейчас 22 гостей онлайн

Онлайн курсы

Год Памяти 2020